冷焊劑

tomtso

想問大家冷焊劑係邊度有得賣？邊隻牌子？
柴灣2間五金舖都係得AB膠（泥膠）果D  

david

都係在五金舖買, W.C.T 金屬冷焊劑, 一套分成A, B 兩罐, 約32-35 元, 少少氣味, 不難聞, 50 分鐘便乾, 可繼續施工, 2 小時硬如石頭. 另外一些10 分鐘速乾冷焊劑, 添加催乾化學物, 價較貴, 揮發性強, 氣味極難聞且為致癌物, 儘量少用. 用時要通風, 最好戴防毒呼吸器. 故快乾慢乾各有利弊. 慢乾較平, 不臭, 但要等, 不能心急, 可做其他事.

Vonklee

冷焊劑用尼做乜架???

david

冷焊劑即係強力黏合劑, 當然不及熱力燒焊咁好力, 但有時某些接合處不宜用高熱.
車房工人也使用. 膠, 木, 玻璃纖維, 金屬等也啱用.
填補縫隙小洞十分適合, 其表面張力 (surface tension) 令乾透後十分光滑.
由於慢乾, 有時間去施工, 不用趕頭趕命, 未用哂已硬化, 浪費膠水, 而且快乾混合膠通常都幾貴.

leica

請問同混合膠有何分別除價錢貴之外
謝謝

david

其實冷焊劑都係混合膠, 當然其黏合力無外國牌子混仺膠咁好力, 但砌模型已十分足夠. 價錢平一大截, 慢乾可慢做工作. 最重要是它不臭, 我用過德國UHU快乾混合膠, 標籤上寫明有毒氣體, 一定要注意通風. 極難聞, 聞得多肯定致癌, 價錢平貴都係其次. 30 多元買套試下吧, 又唔係貴.
快速催乾劑很多都使用 acetone 丙酮, 其分子式為 CH3COCH3, 用以幫助揮發, 使其快乾.
油漆用的 thinner 天拿水是一種混合溶劑, 其主要成份是 ethyl ethanoate 乙酸乙酯 CH3COOCH2CH3, 揮發性很強, 所以快乾. 乙酸乙酯是香味劑, 可製造人工水果味, 香水等. 十幾年前D青少年興 high 天, 即是聞天拿水, 濃度高聞得多結果連個腦都侵蝕到一個個洞,  變左白癡, 真係恐佈. 依家D人興索K. 全部都係大分子化學物.
這些大型分子化學劑有機物吸得多會有很大害處.

leica

david 發表於 10-5-2013 12:55
其實冷焊劑都係混合膠, 當然其黏合力無外國牌子混仺膠咁好力, 但砌模型已十分足夠. 價錢平一大截, 慢 ...

Thx
有無相睇下?因想知點分

david

唔駛睇, W.C.T 金屬冷焊劑去五金舖買只得一種, 無得揀. D 人民幣不停咁升, 兩年前$28, 依家已$33, 升左17.9%, 唔買番D 人仔升值及收息真係頂唔順D加價速度.