本帖最後由 david 於 9-9-2013 23:36 編輯
多謝旺記.
"坂上之雲" 原來是長篇劇集, 由明治維新講到日俄海戰, 95% 是文戲, 講述各主角成長及求學過程, 述說日本的開化期, 十分詳細, 中間加插少許男女之情. 每集開頭的音樂旋律好正, 好好聽. 六隻正版日本碟, 價值不菲, 貴嘢.
內容梗係美化了日本的軍隊及對外戰爭, 不在話下. 以日本自認(在劇集中寫的) 是一個小國, 在近代史曾與現今世界三大強國美俄中都交過手, 而且都是大戰, 真是異數 (希特拉都只係與其中兩個交過手). 其征戰的廣度深度, 只有秦始皇, 成吉思汗, 羅馬帝國等能相比. 現今又與中俄交惡 (都唔計朝鮮, 南韓了), 又拉美國佬落水. 以其資源, 國土, 人口, 日本人憑甚麼 ? 就憑其技術 ? 信美國佬? 單是福島核災已經無左3% 國土. 十至廿年之內其板塊必有大地震, 富士山亦已進入活躍期.
大和民族無疑天資聰明, 克苦勤勞, 但武士道的DNA 令其愛走極端, 一係贏晒, 一係輸晒, 輸晒就切腹, 真是全球全人類史獨一無二. 賭徒性格十分明顯, 難怪美國學者用菊花與劍來形容日本人的性格. 日本科技高端, 但古代及近代都不出偉大的哲學家 (福澤諭吉是教育家, 日本現代化之開拓者), 此乃德國與日本的最大分別. 日本再次走向軍國主義, 想重建其舊日連合艦隊之榮光, 若再有大戰, 九州佐賀, 鹿兒島, 或宮崎唔知能承受幾多轟炸或核攻擊, 國土狹窄, 無腹地可退, 一趕便落海. 在海戰中使用電磁波彈又算唔算核武器呢? 中子彈算唔算 ? |