本帖最後由 david 於 23-8-2013 21:27 編輯
依家 1:200 已經有四隻: Arizona, Bismarck, Hornet, Missouri . 買晒佢都係HK$6320 (這是估價, 若真係一次過抬晒佢可能平多200元都得), 英國寄隻大D嘅船過嚟連運費都要四,五千啦, 所以祖國貨真係平靚正.(除假貨之外).
倉租$674, 一年$8088, 夠買晒四隻重有找$1768, 補幾百蚊買埋隻1:200 Yamato 都得, 所以租唔租得過就真係見仁見智嘞. Trumpeter 賺大錢, 越出越快, 又越嚟越靚, 睇佢可以同時出Hornet 和Missouri 就知生產力幾利害, 俾佢頂死晒, 連Merit 同埋 Gallery 都要揾 Trumpeter 代工 . 依家 Trumpeter 係英文模型船雜誌D廣告可以係自己一版, 其他 Academy, Airfix, Hasegawa, Fujimi,...就夾埋先得一版. 唔怪得剛剛解封嘅尼克遜電話錄音都話最怕中國崛起, 整模型同整真戰艦嘅速度及質量都進步得好快. 十年前Trumpeter 重係做緊隻番版 Enterprise. 或者遲幾年可以在中環添馬艦隨時見到自己D戰艦常態咁泊係度, 定期換防, 唔駛攞飛去昂船洲先睇到. 不過有D唔認係中國人嘅香港人又話割左 150 m 地俾大陸, 佢地如果夠膽不如又攪下佔領番佢囉, 唔好淨係識得蝦CY同埋香港警察.
依家全球都無其他模型廠夠膽大量生產1:200嘅大型塑膠艦船, 數來數去都係得隻 Yamato , 日本仔連自己隻1:200 Akagi 都無人出.
估佢下隻好大可能係 Hood, Iwo Jima,....日本艦就唔敢出啦, 實俾糞青砸廠. 自己D都唔會出, 因為無鬼佬會買. |