本帖最後由 david 於 28-7-2013 23:26 編輯
Gigi 這段短片拍得很好,很感人,很多人讚好,讓我來寫寫彈的罷.
1. 兩兄妹都很自私,一開始已没有自己養的意思.大佬話香港有很多愛護動物組織收留,亞妹就四圍揾人收養.
2. 個女講一句狗狗個口好臭,就不能入自己家門.到最後個女接受狗狗先至入得門.個女擺第一,狗狗擺第一百.
3. 亞妹話點解亞媽突然話走就走,擺低狗狗同埋我地.點解你唔話你兩兄妺擺低亞媽十年? 兩個都無見亞媽最後一面.老人死時係孓然一身.
4. 亞妺話狗狗令到亞媽好開心,這是重點.亞媽臨尾十年係狗狗在佢身邊,唔係你兩隻無心肝嘅嘢.你應該對狗狗感恩,養佢過世.佢代替你兩兄妺陪左你亞媽十年.你地無做到嘅嘢佢幫你做左.
5. 教徒對上帝感恩.我地對大地感恩,對父母,朋友,狗狗,….不是只對上帝和父母.
6. 亞媽最後十年的影像在狗狗腦海中,不是在你兩兄妺記憶中.雖然我read唔到,但我一定會養牠過世,絕不會假手於人.就算狗狗要移民去外國駛幾多錢都要做.父母養你,陪你,服侍你人生開頭起碼22年(大學畢業計算),亞媽最後10年係狗狗陪佢.我睇完都眼濕濕,但又好嬲果兩兄妺嘅作為.
7. Gigi 愛護動物之心絕對肯定,但希望短片能帶出人對動物感恩之心.牛羊豬雞給我們吃,海洋的魚蝦,地上的蔬果,螞蟻清潔森林,樹木清潔空氣,寵物陪伴我們帶來歡樂.人會背叛,出賣,會嫌你窮.狗狗不會背叛(除非你虐待牠),不會嫌主人窮.雖然我不崇拜任何宗教,但我會對萬物感恩.教徒説牛羊豬瓜果是上帝造給我們吃的,所以只對上帝感恩,每餐吃飯都要感謝上帝賜我飲食.而且牛羊豬狗狗都是沒有靈魂的,這點我不能苟同.
|