CW 130514

david

隻花仔好舊, 是1979年版, 砌左都有約廿年, 當年個仔同我一齊玩船, 幫手油晒隻船, 鍾意點油就點油, 好玩過上圖畫堂, 依家咪又得番我自己砌, 時間過得好快, 仔大仔世界.
我第一隻RC嘅船係Robbe隻潛艇Sea Wolf, 做晒防水, 4 channels. 第二隻係廢柴, 第三隻係花仔, 第四隻1:200 大和, 第五隻蘇聨Alfa 潛艇, 跟住D唔記得次序啦, 多左就亂晒籠. 隻Acura同埋隻U47 就擺到依家都未砌.

david

千祈唔好整, 班船友個個都係買嘢快過砌嘢好多, 整左容乜易嚇到自己唔敢再買, 到時咪無新嘢聞, 又無新圖坐喺屎塔睇 ? 我識得有人只買而不砌, 買到擺滿一間房, 多過模型舖.

david

坐屎塔有公仔睇好鬼relax架, 一定好通暢. 可以睇船圖紙, 叮噹, 報紙, 鹹書, 漫畫等等, 你鍾意睇阿霍金D宇宙學嘅弦論 string theorey 又得, 睇阿未央生嘅玉蒲團又得. 拉條電線較兩個喇叭入去, 聽吳雨霏"我本人"或者貝多芬"田園交響曲" 都好架.