本帖最後由 david 於 2012-12-17 13:41 編輯
Hon Pa, 我最懷念嗰張黑白相, 廿幾年啦, 個仔幾歲, 拖住我手去維園睇船長放船, 佢一個鐘頭都落唔到水. 嗰陣時我玩緊潛艇, 不過我從來不影船相, 所以無留低任何紀錄, 我個人太感性, 唔留紀錄重好. 去旅行都係應付老婆求其影幾張. 我睇完D Marine modelling 及 Model Boats 幾十本雜誌都俾晒船長, 自己從不留低, 過眼雲煙, 睇完就算, D 人係池邊借去或攞走都無還, 已全部散失.
可能我和你都是曾經在池畔相遇過的路人甲和乙, 廿幾年後再認識. 我地玩得好玩多D啦, 上帝的程式係咁樣run 架啦. 正如葉倩文所唱:秋來也秋去, 秋天教人掉眼淚, 如同淒美的程序.
當年船長都唔識壓船, 得幾條半圓型鉛條 (不是鉛片), Mercury density 13.6, lead 11.34, copper 8.94, iron 7.87, water 1, 加水樽, 又驚死整濕D磚頭電, 墊高佢, 隻船行起上黎搖來搖去, 睇番D相條水線重爭成 2 cm 先夠重, 重心又高, 根本不能放兩層貨柜.
我四十幾年前都係兵頭花園 (動植物公園)個水池偷雞放過無遙控的魚雷艇仔, 伊乜乜自動浮潜潛艇, 雪條棍橡筋船 (真係行得架), 正百厭仔一名. 我又玩過用蠟煲水行的鐵船仔, 七毫子一隻, 如果依家你重有呢隻古董就值錢啦, 有冇人童年時玩過 ?
|